ہرضلع میں میڈیکل کالج کے قیام کا منصوبہ

شہر میں سوپر اسپیشیالٹی ہاسپٹل قائم کیا جائے گا: وزیر صحت

وجئے واڑہ۔15۔دسمبر(یو این آئی) ریاستی وزیر صحت کے مرلی نے آج کہاکہ حکومت آندھراپردیش ہر ضلع میں ایک میڈیکل کالج قائم کرنے کا منصوبہ رکھتی ہے۔حکومت نے صحت خدمات کیلئے جاری مالی سال کے دوران 6.500کروڑ روپے مختص کئے ہیں اور سرکاری دواخانوں کیلئے ادویات کی خریدی پر پہلے ہی 300کروڑروپے خرچ کئے جاچکے ہیں۔ انہوں نے یہاں میونسپل ویمن ہاسپٹل کا دورہ کرنے کے بعد اخباری نمائندوں سے بات چیت کرتے ہوئے



یہ بات کہی۔ کے مرلی نے بتایاکہ اروگیہ شری اسکیم کے تحت تقریبا70لاکھ خاندان کو فائدہ پہنچایا گیا ہے۔ اس اسکیم کے ذریعہ غریبوں کو کارپوریٹ دواخانوں میں مفت طبی خدمات فراہم کی جاتی ہے۔حکومت آندھراپردیش نے ریاستی حکومت کے تمام ملازمین کو مفت صحت خدمات فراہم کرنے کیلئے ہیلت کارڈس دینے کا فیصلہ کیا ہے اور اسے بہت جلد وکلااور سماج کے دیگرخدمات تک توسیع دی جائے گی۔انہوں نے مزید بتایاکہ شہرمیں 290کروڑ روپے کی لاگت سے 100ایکر زمین پر ایک سوپر اسپیشیالٹی۔ قائم کیاجائے گا۔